Wikileaks կայք մուտքը Թուրքիայի տարածքում արգելափակվել է: Այս մասին տեղեկություններ են տարածվել Twitter-ում:
Ավելի վաղ հայտնի էր դարձել, որ Wikileaks կայքը հրապարակել է Թուրքիայի իշխանության ներկայացուցիչների հարյուր հազարավոր էլեկտրոնային նամակներ: Այդ նամակների մեծամասնությունը ուղարկվել է Թուրքիայի իշխող «Արդարություն եւ զարգացում» կուսակցության (ԱԶԿ) հասցեից: 762 էլեկտրոնային փոստային հասցեից ընդհանուր առմամբ հրապարակվել է 294 հազար 548 գրագրություն եւ դոսյե:
Թուրքիայում ռազմական հեղաշրջման փորձից անմիջապես հետո Wikileaks-ը հայտնել էր, որ պատրաստ է այդ երկրի իշխող քաղաքական ուժին պատկանող հարյուր հազարավոր գաղտնի փաստաթղթեր հրապարակել: Թուրքիայի կառավարությունը դեռեւս չի մեկնաբանել Wikileaks-ի այդ հայտարարությունը եւ փաստաթղթերի հրապարակումը:
