Թուրքիան, միգրացիոն համաձայնագրի շրջանակում, Եվրամիություն է ուղարկում միայն առողջական խնդիրներ ունեցող եւ չկրթված փախստականների: Այս մասին հայտնում է gazeta.ru-ն՝ վկայակոչելով The Telegraph-ին:
Ինչպես նշվում է, ԵՄ-ի պաշտոնական ներկայացուցիչները Թուրքիային մեղադրում են միգրանտների կանխամտածված «ընտրության» մեջ: Բրյուսելը հայտնում է, որ Անկարան Եվրոպա է ուղարկում «շատ ցածր մակարդակի կրթություն ունեցող» փախստականների, իսկ իր մոտ թողնում է առողջ եւ կրթված միգրանտներին, որոնք կարող են հեշտ ինտեգրվել եվրոպական հասարակությանը:
Պարբերականը հայտնում է, որ Անկարան ապաստան խնդրողների ցուցակից մտադրաբար հանում է սիրիացի բժիշկներին, ինժեներներին եւ գիտնականներին՝ խոչնդոտելով նրանց մուտքը ԵՄ:
Հրատարակության հետ զրույցում Թուրքիայի ներկայացուցիչը հայտնել է, որ ավելի քան 3 մլն փախստական ընդունած իր երկիրն իրավունք ունի ընտրելու, թե ում թողնի:
Source: Yerkir Media
Link: Թուրքիան ԵՄ է ուղարկում առողջական խնդիրներ ունեցող եւ չկրթված փախստականների
