«Իրանի հետ գործարքը վնասում է ԱՄՆ-ին». Թրամփ

ՄԱԿ-ում առաջին անգամ ելույթ է ունեցել ԱՄՆ նախագահ Դոնալդ Թրամփը, ով անդրադարձել է Հյուսիսային Կորեայի վերջին գործողություններին: Նա մասնավորապես ասել է.

«Եթե ԱՄՆ-ին սպառնան, մենք այլ ելք չենք ունենա, քան ամբողջությամբ ոչնչացնել: Հյուսիսային Կորեայի բալիստիկ զենքը սպառնում է ամբողջ աշխարհին: Թրամփը Փհենյանին կոչ է արել գիտակցել, որ ատոմային զենքից հրաժարվելը միակ հնարավոր տարբերակն է: Հակառակ դեպքում աշխարհի երկրները պետք է մեկուսացնեն Կիմ Չեն Ընի ռեժիմը»:

Թրամփն իր երախտագիտությունն է հայտնել Չինաստանին եւ Ռուսաստանին, ինչպես նաեւ այլ երկրներին՝ պատժամիջոցների կիրառման վերաբերյալ քվեակությանը միանալու համար: Դոնալդ Թրամփը մեկ այլ պետությանը եւս անդրադարձել է, Իրանին «վտարյալ երկիր» անվանելով, որը բռնություն է արտահանում:

«Իրանի հետ գործարքը վնասում է ԱՄՆ-ին»,- ասել է նա եւ հավելել, որ Իրանը շարունակում է ապակառուցողական եւ խաղաղությունը սասանող վարքը, եւ միջազգային հանրությունը ստիպված է կանգնեցնել նրան:

Source: Yerkir Media
Link: «Իրանի հետ գործարքը վնասում է ԱՄՆ-ին». Թրամփ

Your generosity empowers our advocacy, inspires our work, and sustains our momentum.
DONATE NOW!
close-image