Հայտնի երգչուհի Լեդի Գագան իր շրջագայությունների շրջանակում ԱՄՆ-ի Նեշվիլ քաղաքում հանդես է եկել առաջին համերգով: Համերգի ընթացքում երգչուհին իր նոր՝ «Ջոան» ձայնասկավառակից կատարել է չորս երգ:
Նշենք, որ Գագան նոր ձայնասկավառակն անվանել է իր մորաքույր Ջոանի պատվին, ով 19 տարեկանում մահացել է գայլախտից:
Համերգի ընթացքում երգչուհին առաջին անգամ է կատարել Sinner’s Prayer, A-Yo և Million Reasons երգերը:
Ավելի վաղ Լեդի Գագան նշել է, որ իր բոլոր ձայնասկավառակների երգերը հիմնված են իր կյանքում տեղի ունեցած իրադարձությունների վրա, իսկ նոր ձայնասկավառակում երգերը կվերաբերեն իր նախկին սիրեցյալ Թեյլորին:
Ձայնասկավառակի վրա աշխատել են Էլթոն Ջոնը, Ֆլորենս Ուելչը, Հիլարի Լինդսին: Լեդի Գագայի նոր ձայնասկավառակի շնորհանդեսը կլինի հոկտեմբերի 21-ին:
Source: Yerkir Media
Link: Լեդի Գագան շրջագայության ժամանակ իր նոր ձայնասկավառակից երգեր է կատարել
