Բնապահպանության նախարարության «Խոսրովի անտառ-արգելոց» ՊՈԱԿ-ի աշխատակիցներն ամբողջ գիշեր հրդեհաշիջման աշխատանքներ են իրականացրել:
Այժմ ՊՈԱԿ-ի 15 և ԱԻՆ-ի 38 աշխատակիցները շարունակում են ծխացող օջախների մարման աշխատանքները: Այս մասին yerkirmedia.am-ին տեղեկացրեց ՀՀ բնապահպանության նախարարության տեղեկատվության և հասարակայնության հետ կապերի վարչության պետ Արմեն Վարդանյանը: Այրվում է 4 հա խոտածածկույթ:
Հիշեցնենք, որ սեպտեմբերի 1-ի երեկոյան կայծակից հրդեհ է բռնկվել «Խոսրովի անտառ» պետական արգելոցի Խոսրով տեղամասի ձախ սահմանին, Քորուզ գյուղատեղից հյուսիս:
