Հալեպի Նոր Գյուղ թաղամասի հրթիռակոծման հետեւանքով վնասվել է Սբ. Գրիգոր Լուսավորիչ եկեղեցին

Զինյալ ահաբեկչական խմբավորումները կրկին հրթիռակոծել են Հալեպի հայաշատ Նոր Գյուղ թաղամասի Սբ. Գրիգոր Լուսավորիչ եկեղեցու մոտ գտնվող «Կիլիկիա» շենքը: Այս մասին հայտնում է Հալեպի մեր թղթակից Զարմիկ Պողիկյանը։

«Կիլիկիա» բնակելի շենքը կառուցվել էր ազգային իշխանությունների կողմից, հալեպահա բազում ընտանիքների բնակիչների համար եւ գտնվում էր հայաբնակ թաղամասի կենտրոնական հատվածում, որի շուրջ կան հայկական բազում դպրոցներ, եկեղեցիներ, Ծերանոցը։

Հրթիռակոծության հետեւանքով վնասվել են բնակարաններ, գրասենյակներ, ինչպես նաեւ Սբ. Գրիգոր Լուսավորիչ եկեղեցին: Զոհեր եւ վիրավորներ չկան:

Source: Yerkir Media
Link: Հալեպի Նոր Գյուղ թաղամասի հրթիռակոծման հետեւանքով վնասվել է Սբ. Գրիգոր Լուսավորիչ եկեղեցին