Երևանի Հանրապետության հրապարակում տեղի է ունենում Ֆրանկոֆոնիայի միջոցառումների գալա համերգը: Համերգի եզրափակիչ հատվածը նվիրված է լինելու աշխարհահռչակ շանսոնյե Շառլ Ազնավուրին: Համերգին ներկա են ՀՀ վարչապետ Նիկոլ Փաշինյանը և Ֆրանկոֆոնիայի միջոցառումներին Երևան ժամանած երկրների պատվիրակությունների ղեկավարներ ու անդամներ:
Համերգի մյուս մասում ելույթ կունենան աշխարհահռչակ երգիչներ Անժելիկ Կիժոն, Մելոդի Գարդոն, Զազը:
Երևանում անցկացվող Ֆրանկոֆոնիայի 17-րդ գագաթաժողովին մասնակցելու համար Հայաստան է ժամանել Ֆրանկոֆոնիայի անդամ 84 երկրի պատվիրակություն և 24 երկրի ղեկավար:
Ֆրանկոֆոնիայի միջազգային կազմակերպության գագաթաժողովի նախագահության լիազորությունները Մադագասկարից փոխանցվել են Հայաստանին:
Source: Yerkir Media
Link: Հանրապետության հրապարակում տեղի է ունենում Ֆրանկոֆոնիայի միջոցառումների գալա համերգը