Հարձակում Աֆղանստանում ԱՄՆ-ի ռազմակայանի աշխատակիցների վրա, կան բազմաթիվ զոհեր
June 20, 2017
Աֆղանստանի արեւելքի Փարվանի նահանգում ԱՄՆ-ի ռազմակայանի ութ աշխատակիցներ են զոհվել, եւս երկուսը՝ վիրավորվել անհայտ անձանց հարձակման հետեւանքով: Այս մասին տեղեկացնում է ՏԱՍՍ-ը՝ հղում անելով «Սինհուա» գործակալությանը:
Գործակալության տվյալներով՝ միջադեպը տեղի Է ունեցել հունիսի լույս 20-ի գիշերը։ Ռազմակայանի աշխատակիցները, որոնք Աֆղանստանի քաղաքացիներ էին, ավտոմեքենայով ուղեւորվում Էին Բաղրամի ավիաբազա, բայց ընկել են դարանը։ Հարձակվողները փախել են պատահարի վայրից:
Տարածաշրջանում գործող խմբավորումներից ոչ մեկն առայժմ չի ստանձնել գրոհի պատասխանատվությունը:
Բաղրամն Աֆղանստանում ԱՄՆ-ի եւ ՆԱՏՕ-ի հիմնական ռազմակայանն Է։