90 տարեկան հասակում մահացել է լեհական ծագմամբ ամերիկացի քաղաքագետ, սոցիոլոգ, ԱՄՆ նախկին նախագահի ազգային անվտանգության հարցերով խորհրդական Զբիգնեւ Բժեզինսկին: Նրա մահվան մասին հայտնել է դուստրը:
Նա եղել է այն քաղաքականության կողմնակիցը, որն, ի վերջո, հանգեցրեց ճգնաժամի Ամերիկայում, մեծածավալ ուսանողական ընդվզման եւ Վիետնամից ԱՄՆ զորքերի դուրսբերման:
1966-1968 թվականներին Բժեզինսկին եղել է ԱՄՆ պետդեպարտամենտի՝ քաղաքականության պլանավորման խորհրդի անդամ:
1977-1981 թթ. եղել է ԱՄՆ նախագահ Ջիմի Քարթերի՝ Ազգային անվտանգության գծով խորհրդականը։
1981 թվականին նրան պարգեւատրել են նախագահի «Ազատության» շքանշանով, որը ԱՄՆ քաղաքացիական անձանց տրվող 2 կարեւորագույն պարգեւներից է:
Նրա աշխատություններից առավել հայտնի է «Շախմատային մեծ տախտակ…»-ը, որը շատ քաղաքագետների համար սեղանի գիրք է դարձել։
Source: Yerkir Media
Link: Մահացել է Զբիգնեւ Բժեզինսկին
