ՀՀ սփյուռքի նախարար Հրանուշ Հակոբյանը բարձր է գնահատում մամուլի դերը Հայրենիք-Սփյուռք կապերի ամրապնդման գործում: Այս մասին նախարարը խոսել է Արաբական Միացյալ Էմիրություններում գործող հայկական «ԱՅԳ» առցանց ռադիոկայանի հիմնադիր-ղեկավար Շաքե Մանգասարյանին շնորհած «Մայրենիի դեսպան» մեդալի հանձնման արարողության ժամանակ:
Շաքե Մանգասարյանը շնորհակալություն հայտնեց բարձր պարգևի համար, նշեց, որ Ռադիո «ԱՅԳ»-ի եթերները ընդգրկում են սփյուռքյան և հայաստանյան լրատվություն, քաղաքական, հոգևոր թեմաներով հաղորդումներ՝ Ավետարանի մեկնություն, Սուրբ Պատարագի հեռարձակում, մշակութային հաղորդումներ, հարցազրույցներ, իսկ երաժշտական կատարումներից մեծ տեղ է հատկացվում ազգային երգարվեստին՝ ժողովրդական, աշուղական, գուսանական երգերին, հեռարձակվում է նաև դասական երաժշտություն:
«ԱՅԳ»-ի հաղորդումները հեռարձակում են նաև «Երկիր Մեդիա», «Արմենիա» (ԱՄՆ-ում), «Կիլիկիա» հեռուստաընկերությունները (Անթիլիաս Լիբանան), ինչպես նաև «Ասպարեզ», «Հորիզոն» թերթերի կայքերը:
Source: Yerkir Media
Link: «Մայրենիի դեսպան» մեդալ` Շաքե Մանգասարյանին