Թբիլիսիում ավարտվեց «Մանկական Եվրատեսիլ» երգի միջազգային մրցույթը, որն այս տարի անցկացվեց 15-րդ անգամ՝ Shine Bright («Շողա պայծառ») նշանաբանի ներքո։
Հայաստանը երգի մրցույթում ներկայացնում էր Միշան՝ Միքայել Գրիգորյանը, ով նախորդ տարի մեր հայրենիքը ներկայացրել էր նաեւ «Մանկական Նոր ալիք-2016»-ին եւ զբաղեցրել 2-րդ հորիզոնականը:
Միշան «Բումերանգ» երգով գրավեց 6-րդ տեղը։
Առաջին տեղը գրավեց Ռուսաստանի ներկայացուցիչը` Պալինա Բոգուսևիչը «Թևեր» երգով:
Միշան 12 միավոր ստացավ Կիպրոսից, 10-ական միավորներ վաստակեց Ալբանիայից, Ուկրաինայից, Ռուսաստանից, Լեհաստանից, Վրաստանից, 8-ական միավորներ ստացավ Բելառուսից և Պորտուգալիայից, 7 միավոր Մալթայից, 3՝ Ավստրալիայից և 2-ական միավորներ Մակեդոնիայից և Սերբիայից:
Հայաստանն իր 12 միավորը տվեց Վրաստանին:
«Մանկական Եվրատեսիլ-2017»-ին բացի Հայաստանից մասնակցեց ևս 15 երկիր՝ Ալբանիա, Ավստրալիա, Բելառուս, Կիպրոս, Իռլանդիա, Իտալիա, Մակեդոնիա, Մալթա, Նիդերլանդներ, Ուկրաինա, Ռուսաստան, Լեհաստան, Սերբիա, Պորտուգալիա, Վրաստան:
Source: Yerkir Media
Link: «Մանկական Եվրատեսիլ»-ում Հայաստանը գրավեց 6-րդ տեղը
