«Միսս ԱՊՀ-2017» մրցույթի հյուրերը իրենց այցը կսկսեն Գյումրիից
May 22, 2017
«Միսս ԱՊՀ-2017» գեղեցկության միջազգային մրցույթի մասնակիցներն ու հատուկ միջոցառմանը ներկա գտնվելու և լուսաբանելու համար Հայաստան ժամանող հյուրերը մեր երկրում կլինեն մայիսի 25-ին: Գյումրիի «Շիրակ» օդանավակայանում, որտեղ էլ հենց ժամանելու են գեղեցկուհիներն ու հյուրերը, նախատեսվում է կազմակերպել դիմավորման արարողություն: Այնուհետև հյուրերը կշրջեն Հայաստանի ամենագեղեցիկ քաղաքներից մեկի տեսարժան վայրերով:
Կազմակերպիչները նպատակային են համարել հյուրերի այցը սկսել պատմական Գյումրիում շրջագայությամբ` շեղվելով դասական տարբերակից («Զվարթնոց» օդանավակայան), որպեսզի միջոցառման մասնակիցներին ու հյուրերին ավելի մոտիկից ծանոթացնեն մեր պատմական հայրենիքի ու նրա հարուստ մշակութային ժառանգության հետ:
Հիշեցնենք, որ Երևանում հունիսի 6-ին կկանայա «Միսս ԱՊՀ-2017» միջազգային գեղեցկության մրցույթի եզրափակիչը:
Մրցույթին մասնակցում է 13 երկիր: Այն ընդգրկում է 25 միլիոնանոց լսարան: Մրցանակային ֆոնդը կազմում է 16,2 մլն ՀՀ դրամ:
