Մոսկվայում բանկի մասնաճյուղը գրաված հայազգի գործարարը հանձնվել է ոստիկանությանը

«Սիթիբանկի» մոսկովյան մասնաճյուղը գրաված Արամ Պետրոսյանը բաց է ողել բոլոր պատանդներին ու հանձնվել ոստիկանությանը: Այս մասին հայտնում է Lenta.ru-ն՝ հղում կատարելով ТАССգործակալությանը:

«Այս պահին գործողությունն ավարտված է: Բանակցությունների արդյունքում բանկը գրաված անձը հանձնվել է ոստիկանությանը: Նա ձերբակալված է»,- հայտնել են ոստիկանությունից:

Նշվում է, որ նրա մոտ չի եղել պայթուցիկ սարք: Վզին դեղին ժապավենով կախված իրը լցված է եղել աղով:

Մոսկվայում տղամարդը ներխուժել էր ռուսական «Սիթիբանկի» մոսկովյան մասնաճյուղ եւ գրավել այն:

Բանկը գրաված տղամարդը հայազգի Արամ Պետրոսյանն է, ով ձեռներեց է  եւ վերջերս է  սնանկացել: Պետրոսյանը սպառնում էր պայթեցնել բանկը, եթե դաշնային հեռուստալիքները չհեռարձակեն իր պատրաստած տեսաուղերձը:

Արամ Պետրոսյանը պահանջում էր ֆիզիկական անձանց սնանկացման ինստիտուտ ստեղծել:  Նա նաեւ տեսաուղերձ է հրապարակել` ուղղված Վլադիմիր Պուտինին, որում զգուշացրել է, որ մտադիր է «կտրուկ քայլի դիմել` խախտելով ՌԴ Քրեական օրենսգիրքը» եւ ՌԴ նախագահին խնդրում է անձամբ զբաղվել սնանկացման հիմնախնդիրներով:

[youtube https://www.youtube.com/watch?v=KGs-ApYHMxQ?feature=oembed&w=848&h=477]

Source: Yerkir Media
Link: Մոսկվայում բանկի մասնաճյուղը գրաված հայազգի գործարարը հանձնվել է ոստիկանությանը