Շիրվանզադեի դպրոցում աշակերտները բիզնես գործունեություն են ծավալում
June 3, 2017
Արդյո՞ք աշակերտները կարող են բիզնես գործունեություն ծավալել եւ հասույթը փոխանցել սեփական դպրոցի կարիքները հոգալուն: Պարզվում է՝ կարող են՝ ձեռնարկատիրական կրթության միջոցով: Ծրագիր, որը սեպտեմբերից կներդրվի տարրական եւ հիմնական դպորցներում՝ որպես առարկա:
Ալեքսանդր Շիրվանզադեի անվան թիվ 21 դպրոցի աշակերտներն առաջիններից են, որոնք ծանոթացել են տնտեսագիտության եւ ձեռներեցության հիմունքներին եւ բիզնես գործունեություն ծավալել:
Շիրվանզադեի անվան դպրոցը 300 ուսումնական կենտրոններից մեկն է, որտեղ իրականացվում է այս ծրագիրը: Երեք ամսից ձեռնարկատիրական կրթությունը կդառնա պարտադիր՝ բոլոր աշակերտների համար: Սկզբում այն կուսումնասիրեն 2-րդից 4-րդ, հետո նաեւ առաջինից 12-րդ դասարանցիները: Հազար ուսուցիչ արդեն վերապատրաստվել է:
