azatutyun.am— Կրեմլը պարզաբանում է ակնկալում Անկարայից Ռեջեփ Էրդողանի վերջին հայտարարության վերաբերյալ, ըստ որի՝ թուրքական զինուժը Սիրիա է մտել նախագահ Ասադի վարչակազմը տապալելու համար:
«Սա իսկական նորություն էր մեզ համար, շատ լուրջ հայտարարություն, որն, ընդհանուր առմամբ, հակասում է նախորդներին և Ռուսաստանի մոտեցումներին», — հայտարարել է Ռուսաստանի նախագահի խոսնակ Դմիտրի Պեսկովը, ընդգծելով՝ «Ռուսաստանը միակ երկիրն է, որի զինված ուժերը լեգիտիմ հիմունքներով են Սիրիայի տարածքում՝ այդ երկրի լեգիտիմ իշխանությունների խնդրանքով»:
«Հուսով ենք, որ առաջիկայում ինչ-որ պարզաբանումներ կստանանք մեր թուրք գործընկերներից», — ասել է Պեսկովը և հավելել, որ մինչ այդ Կրեմլը կխուսափի հետևություններ անելուց:
Թուրքիայի նախագահի հայտարարությանը բավական զգուշավոր էր արձագանքել նաև Ռուսաստանի արտգործնախարարությունը:
«Մոսկվան հիմնվում է միայն Էրդողանի հրապարակային հայտարարությունների վրա, մինչդեռ Ասադի մասին նրա խոսքերը ձայնագրված չեն», — երեկ հայտարարել էր գերատեսչության խոսնակ Մարիա Զախարովան:
Source: Yerkir Media
Link: Ռուսաստանը սպասում է Թուրքիայի պարզաբանմանը՝ Էրդողանի հայտարարության վերաբերյալ
