Քննչական կոմիտեի Լոռու մարզային վարչությունում քրեական գործ է հարուցվել «Վանաձոր բժշկական կենտրոնում» 32-ամյա ծննդկանի մահվան դեպքի առթիվ։
Համաձայն Քննչական կոմիտեի հաղորդագրության, Գուգարք գյուղի բնակչուհի Նազլուխանյան առաջնածին ախտորոշմամբ սեպտեմբերի 26-ին ընդունվել է «Վանաձոր բժշկական կենտրոնի» մանկաբարձա-գինեկոլոգիական բաժանմունք։ Գտնվելով բժիշկների հսկողության ներքո՝ 21 օր անց` հոկտեմբերի 17-ին` ժամը 18:40-ին, կինը ծննդաբերել է արու զավակ, որից հետո նրա ինքնազգացողությունը վատացել է։ Հաջորդ օրը` նույն բաժանմունքում նա մահացել է:
Իրավապահներն անհրաժեշտ քննչական գործողություններ են այժմ իրականացնում՝ կնոջ մահվան հանգամանքների, բազմակողմանի, օբյեկտիվ եւ լրիվ հետազոտումն ապահովելու ուղղությամբ։
Նշանակված դատաբժշկական փորձաքննության եզրակացությունը դեռ չի ստացվել։
Source: Yerkir Media
Link: Վանաձորում 32-ամյա ծննդկանի մահվան դեպքի առթիվ քրեկան գործ է հարուցվել
