ՀՀ վարչապետ Կարեն Կարապետյանն անդրադարձել է Արմավիրի մարզի Ջրառատ համայնքում տեղի ունեցած հերթական միջադեպին: Նոր Նորք վարչական շրջանում նախընտրական քարոզարշավի մեկնարկից առաջ լրագրողների հետ զրույցում ՀՀ վարչապետն ընդգծեց, որ այդ միջադեպի պատճառը վիճաբանությունն է,արդեն ձերբակալվածներ կան, քննությունն էլ շարունակվում է: «Բոլոր նրանք, ովքեր մեղավոր են, պատժվելու են»,- ընդգծեց վարչապետը:
Անդրադառնալով ՀՀ պաշտպանության նախկին նախարար, «Օհանյան-Րաֆֆի-Օսկանյան» դաշինքի առաջնորդ Սեյրան Օհանյանի հայտարարությանը, թե միջադեպի մեղավորները Հայաստանի Հանրապետական կուսակցության ներկայացուցիչներն են` Կարեն Կարապետյանը պատասխանեց. «Դա կպարզի քննությունը»:
Նա չհամաձայնեց լրագրողներից մեկի հարցադրմանը, թե Ջրառատի միջադեպը ստվերում է ազատ ու թափանցիկ ընտրություններ անցնացնելու մասին հայտարարությունները.
՝«Ոչ, ես չեմ կարծում, որ այդպես է: Երբ նման դեպքերն անարձագանք մնան, նոր կխոսեք»:
Source: Yerkir Media
Link: Վարչապետը՝ Ջրառատի միջադեպի մասին՝ մեղավորները կպատժվեն