ՀՀ արտակարգ իրավիճակների նախարարություն հոկտեմբերի 30-ին՝ ժամը 19:15-ին, ահազանգ է ստացվել, որ Երևան քաղաքի Քուչակ թաղամասում՝ «Սագա» խանութ-սրահի մոտակայքում, քաղաքացի է ընկել ձորը. անհրաժեշտ է փրկարարների օգնությունը:
Ինչպես տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական աջակցության բաժնի հրահանգիչը:
Մ.Բաբաջանյան 18/13 հասցեի մոտակա ձորակում փրկարարները անգիտակից վիճակում հայտնաբերել են անձը չպարզված քաղաքացուն և դուրս են բերել ձորակից։ Նա հոսպիտալացվել է Սրբ. Գր.Լուսավորիչ ԲԿ:
