Ադրբեջանական զինուժը կրակել է Բաղանիսի ուղղությամբ
January 25, 2017
aravot.am— Այսօր՝ հունվարի 25-ին, ժամը 19-ի սահմաններում, ադրբեջանական զինուժը խոշոր տրամաչափի գնդացիրներից կրակ է բացել Բաղանիս գյուղի ուղղությամբ: Գյուղի ներքեւի թաղամասում գնդակի պայթյունի ուժեղ ձայն է լսվել, տների պատուհանների ապակիները դղրդացել են:
Բաղանիսի վարչական ղեկավար Նարեկ Սահակյանն ասաց, որ եղել է կարճ կրակահերթ, վնասներ չկան:
Միջպետական ճանապարհով երթեւեկող ավտոմեքենաները, գնդակոծությունից հետո, անվտանգության նկատառումներից ելնելով՝ Բաղանիս- Ոսկեպար հատվածն անցել են սահմանագոտին շրջանցող ավտոճանապարհով:
