«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակը կրկին գլխավորում է Վարդգես Պետրոսյանի «Ապրած և չապրած տարիներ» գիրքը:
Էդգար Հարությունյանի «Չգտնված երիցուկներ» ժողովածուն բարելավել է իր դիրքերը և աղյուսակում երկրորդն է:
Պաուլու Կոելյուի «Ալքիմիկոսը» երրորդն է:
Չորրորդ հորիզոնականում Մարկ Արենի «Այնտեղ, որտեղ ծաղկում են վայրի վարդեր» ստեղծագործությունն է:
Արփի Ոսկանյանի «Չի վաճառվում» գիրքը վերադարձել է ցանկ՝ գրավելով հինգերորդ տեղը:
Իր դիրքերը զիջել և վեցերորդ տեղն է զբաղեցրել «Խատուտիկի գինի» գիրքը:
Յոթերորդ հորիզոնականում Դենիել Քիզի «Ծաղիկներ Էլջերնոնի համար» գիտաֆանտաստիկ երկն է:
Ութերորդ տեղում նոր գիրք է՝ Նարինե Աբգարյանի «Երկնքից երեք խնձոր ընկավ» վեպը:
Հերման Հեսսեի «Տափաստանի գայլը» վեպը իններորդն է:
Թուրք ժամանակակից գրող Էլիֆ Շաֆաքի «Ստամբուլի բիճը» վեպը եզրափակում է ամենավաճառվածների ցանկը:
Source: Yerkir Media
Link: Ամենավաճառված գրքերը՝ այս շաբաթ
