ԱՄՆ-ը թեւավոր հրթիռներով հարված Է հասցրել Սիրիայի տարածքին. կան զոհեր
April 7, 2017
Միացյալ Նահանգները թևավոր հրթիռներով հարվածներ է հասցրել սիրիական Շայրաթ ռազմաբազայի վրա: Այս մասին հաղորդում է «Reuters»-ը:
ԱՄՆ-ը գործարկել է «Թոմահավք» տեսակի շուրջ 50 հրթիռ, որոնք ուղղված են եղել Հոմսի սիրիական իշխանությունների ռազմաբազային: Հոմսի ղեկավար Թալիալ Բարազին հայտնել է, որ հարձակման հետեւանքով մահացել է 5 եւ վիրավորվել 7 մարդ. տեղեկացնում է «Rassia today»-ը:
Սիրիայի պաշտպանության նախարարությունը զոհերի ու վիրավորների մասին դեռեւս պաշտոնական հայտարարությամբ հանդես չի եկել:
