Բրազիլիայում Հայոց ցեղասպանության ճանաչմանը հասած նախկին սենատորն այցելեց Ծիծեռնակաբերդ
November 17, 2017
Բրազիլիայի Դաշնային Հանրապետության արտաքին հարաբերությունների նախարար Ալոիզիո Նունես Ֆերեիրան նոյեմբերի 17-ին Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի հիշատակին: Ի դեպ, հենց Ալոիզիո Նունես Ֆերեիրան է Բրազիլիայի Սենատում 2015-ի մայիսի 27-ին որպես օրենսդիր մարմնի անդամ նախաձեռնել Հայոց ցեղասպանության ճանաչման և դատապարտման բանաձևի ընդունումը:
Բրազիլացի նախարարին ուղեկցում էին Երևանի քաղաքապետի տեղակալ Դավիթ Օհանյանը և ԳԱԱ Հայոց ցեղասպանության թանգարան-ինստիտուտի տնօրենի ժամանակավոր պաշտոնակատար Գևորգ Վարդանյանը:
Այնուհետեւ Ալոիզիո Նունես Ֆերեիրան այցելեց Հայոց ցեղասպանության թանգարան, ծանոթացավ ցուցանմուշներին: Թանգարանին կից պուրակում նախարարը տնկեց խորհրդանշական եղևնի:
