Դավթաշենի կամրջի վրա տարօրինակ վարքագծով քաղաքացի էր կանգնած
July 30, 2018
Հուլիսի 30-ին, ժամը 08:36-ին «911» ծառայությանն ահազանգ է ստացվել, որ Երևան քաղաքի Դավթաշենի կամրջի վրա տարօրինակ վարքագծով քաղաքացի է կանգնած. անհրաժեշտ է փրկարարների օգնությունը:
Դեպքի վայր են մեկնել ՀՀ ԱԻՆ ՓԾ հատուկ հրշեջ ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հրահանգիչը:
Հոգեբանական աջակցության բաժնի հրահանգիչը Ա. Հ.-ին (ծնված 1980 թ.) ցուցաբերել է հոգեբանական աջակցություն: Վերջինս տեղափոխվել է ոստիկանության Մաշտոցի բաժանմունք:
