Ժամկետային-պայմանագրային. այսպես են անվանում զինծառայության նոր` «Ես եմ» տեսակը: Այստեղ շեշտը դրված է բարդ ծառայությունը կամովի ընտրելու հայեցակարգի վրա: Գրանցված 141 զորակոչիկները հունվարի 27-ին Կենտրոնական հավաքակայանում էին: Վերջնական ստուգումներն անցնելուց հետո, նրանք իրենց ստորագրած պայմանագրի համաձայն՝ առաջիկա երեք տարին կնվիրեն Հայրենիքի պաշտպանությանը՝ դրամական փոխհատուցում ստանալու պայմանով:
