Էյֆելյան աշտարակի թվիթերյան էջում հաղորդագրություն է տարածվել այն մասին, որ այն որոշ ժամանակով փակ է լինելու այցելուների համար: Հաղորդագրության համաձայն Փարիզի տեսարժան վայրը փակ է լինելու հուլիսի 13-ին և հուլիսի 14-ին՝ ողջ օրը:
«Ես ուրախ կլինեմ տեսնել ձեզ հուլիսի 15-ին առավոտյան ժամը 09:00-ից»,- նշված է հաղորդագրության մեջ:
Le Figaro-ն գրում է, որ Էյֆելյան աշտարակը հուլիսի 13-ին փակ է լինելու ԱՄՆ նախագահ Դոնալդ Թրամփի այցի պատճառով: Թրամփն իր կնոջ հետ, ինչպես նաեւ Մակրոնն ու իր կինը պետք է ընթրեն Le Jules Verne ռեստորանում, որը գտնվում է աշտարակի երկրորդ հարկում, պատուհանից երևում է ամբողջ քաղաքը:
Հուլիսի 14-ին Էյֆելյան աշտարակը փակ է լինելու Բաստիլի գրավման օրվա՝ Ֆրանսիայի Ազգային տոնի առիթով. այնտեղ հրավառություն է լինելու:
