Իտալիայում երկրաշարժը վնասել ու քանդել է պատմական նշանակություն ունեցող 293 շենք: Այդ մասին հայտնել է երկրի մշակույթի նախարար Դարիո Ֆրանչեսկինին:
Ըստ France-Presse գործակալության հաղորդման՝ խոսքն առավելապես վերաբերում է XIII – XIV դարերի տաճարների, պալատների եւ հուշարձանների: Տարերքը գործնականում լիովին ոչնչացրել է Ամատրիչեի պատմական կենտրոնը, որն ժամանակին ճանաչվել է «հարյուր եկեղեցիների քաղաք»:
Քաղաքի գխավոր տեսարժան կառույցը՝ սուրբ Ֆրանցիսկոսի բազիլիկը, քանդվել է մասնակիորեն: Սուրբ Օգոստինոսի եկեղեցին, որը կառուցվել է 1428 թվականին եւ գտնվում է Ամատրիչեի մերձակայքում, ամբողջովին քանդված է:
Տարածաշրջանում սեյսմիկ ակտիվությունը չի դադարում, հաղորդել է ՌԻԱ Նովոստին:
Իտալիայի վարչապետ Մատեո Ռենցին արտակարգ դրություն է հայտարարել երկրի այն շրջաններում, որոնք տուժել են լույս օգոստոսի 24-ի գիշերը տեղի ունեցած երկրաշարժից: Ըստ վերջին տվյալների՝ տարերային աղետի հետեւանքով զոհվածների թիվը հասել է 250-ի, տեղեկացնում է BBC-ին:
Զոհվածների մեծամասնությունը՝ գրեթե 200 մարդ, Ամատրիչե քաղաքից էին:
Իտալիայի կառավարությունը 50 մլն եվրո է հատկացրել տուժածներին օգնություն ցուցաբերելու համար: Ռենցին խոստացել է, որ շուտով կհատկացվեն լրացուցիչ միջոցներ:
Արդեն երկրորդ գիշերն է՝ ավերված քաղաքներում շարունակվում են որոնողափրկարարական աշխատանքները, որոնք բարդանում են պարբերաբար կրկնվող ստորգետնյա ցնցումներով:
Իտալիայի մշակույթի նախարարությունը հայտարարել է, որ հօգնություն տուժածների կուղարկի բոլոր այն միջոցները, որոնք կստացվեն առաջիկա կիրակի օրը թանգարանային ցուցադրանքների տոմսերի վաճառքից: Մշակույթի նախարարը հորդորել է իտալացիներին՝ այցելել թանգարաններ՝ ի նշան երկրաշարժից տուժածների հետ համերաշխության:
Source: Yerkir Media
Link: Իտալիայում երկրաշարժը վնասել է 293 պատմական շինություն
