Հյուսիսային Կորեայի առաջնորդ Կիմ Չեն Ինը մարտի 25-28-ը կատարել Է երկրի ղեկավար դառնալուց ի վեր առաջին արտասահմանյան ուղեւորությունը՝ այցելելով Չինաստան:
Երկու ղեկավարների բանակցությունների ընթացքում Սի Ցզինպինը հայտարարել Է, որ պետությունների միջեւ բարեկամությունը ռազմավարական եւ միակ ճիշտ ընտրությունն Է, եւ ոչ մի կարգի արտաքին գործոններ չպետք Է դա փոխեն: Ըստ որում Չինաստանի ղեկավարը հայտարարել Է, որ վերջին մեկ տարում Կորական թերակղզում տեղի են ունեցել Էական դրական փոփոխություններ, եւ ՉԺՀ-ն գնահատում Է դրա համար ԿԺԴՀ-ի գործադրած ջանքերը:
Կիմ Չեն Ինը հավաստիացրել Է, որ պատրաստ Է երկխոսել Հարավային Կորեայի եւ ԱՄՆ-ի հետ եւ հետեւողականորեն հանդես Է գալիս թերակղզու միջուկազերծման օգտին: Սակայն նշել Է, որ դա հնարավոր Է սոսկ խաղաղության հասնելու՝ Վաշինգտոնի եւ Սեուլի հետեւողական ջանքերի պայմաններում: Ընդ որում Փհենյանը երկխոսություն վարելիս ակնկալում Է Պեկինի աջակցությունը: Հյուսիսային Կորեայի ղեկավարի եւ նրա տիկնոջ այցը եղել Է գաղտնի: Պաշտոնական հավաստումը տրվել Է սոսկ այն բանից հետո, երբ կառավարական զրահագնացքը հեռացել Է Պեկինից:
