«Կինը և բնությունը» խորագրով ցուցահանդես՝ Հայաստանի բնության պետական թանգարանում
April 7, 2018
Բնապահպանության նախարարության Հայաստանի բնության պետական թանգարանում տեղի է ունեցել «Կինը և բնությունը» խորագիրը կրող ցուցահանդեսը, որտեղ ներկայացված էին Հայաստանի նկարիչների միության շուրջ տասներկու նկարչի աշխատանքները: Ցուցահանդեսը նվիրված էր Մայրության և գեղեցկության օրվան՝ ապրիլի 7-ին։
Ողջույնի խոսքով հանդես է եկել ՀՀ ժողովրդական նկարիչ, Նկարիչների միության անդամ, պրոֆեսոր Հրանտ Թադևոսյանը (Թաթոսս), ով կարևորել է գեղանկարչության լեզվով կնոջ և բնության ներդաշնակումն ու մեծարումը։
«Մեր տնօրինության կողմից թանգարանի ճեմասրահն անշահախնդիր տրամադրվում է բոլորին՝ սկսնակ նկարիչներից մինչև մեր մեծ վարպետները։ Նմանատիպ միջոցառումները մեծապես նպաստում են հասարակության մոտ էկոլոգիական մշակույթի ձևավորմանը»,- իր խոսքում նշել է թանգարանի տնօրեն Գայանե Ղազարյանը։
