Հայաստանը համակարգչային վիրուսներով վարակվելու ցուցանիշով 4-րդն է աշխարհում
August 8, 2018
2018թ. ապրիլ-հունիսին Հայաստանում սարքերի 29,98% -ը ենթարկվել է համացանցից վնասաբեր ծրագրերով վարակման փորձերի։ Այդ ցուցանիշով Հայաստանը 4-րդ տեղն է զբաղեցրել աշխարհում։
2018թ. առաջին եռամսյակում այդ ցուցանիշները կազմել են, համապատասխանաբար, 36,78% ( 7-րդ տեղ), իսկ 2017 երկրորդ եռամսյակում՝ 21,58% (15-րդ տեղ)։
2018թ. 2-րդ եռամսյակում աշխարհում համակարգիչների միջին հաշվով 19,59%-ը գոնե մեկ անգամ ենթարկվել է Malware կարգի վեբ-գրոհի, այն դեպքում, երբ մեկ տարի առաջ այդ ցուցանիշը կազմել է 17,26%։
