ՀՀ-ԵՄ համաձայնագրի շուրջ բանակցությունների ավարտը՝ տարվա լավագույն ձեռքբերում
November 2, 2017
Ինչ կտա Հայաստան-Եվրամիություն համաձայնագիրը Հայաստանին: Խորհդարանական հանձնաժողովներում 2018-ի բյուջեի քննարկումների ժամանակ համաձայնագրի մասին նորացված տեղեկատվություն ստացանք արտաքին գործերի փոխնախարարից:
Կարեն Նազարյանը փաստաթղթի շուրջ բանակացությունների ավարտը համարել է այս տարվա կարեւորագույն ձեռքբերումը: Փոխնախարարի խոսքով, ստացվել է բավական հավակնոտ ու ընդգրկուն համաձայնագիր, որի իրականացումը Եվրոպական միության հետ հարաբերություններում կարեւոր քայլ կհանդիսանա:
Կարեն Նազարյանը նշել է, որ համաձայանգրով էներգետիկայի, տրանսպորտի եւ շրջակա միջավայրի ոլորտներում կստեղծվի ավելի ամուր գործընկերություն: Այն նաեւ նոր ժամանակաշրջան է նշանավորում Հայաստանի եւ Եվրամիության միջեւ առեւտրային հարաբերություններում ու հնարավորություն տալիս բիզնեսի, ներդրումների, աշխատատեղերի ստեղծման համար:
