Հուլիսին Երեւանի համար երբեւէ գրանցված առավելագույն ջերմաստիճանը եղել է 42 աստիճանը: Այնպես որ, հուլիսի 2-ին գրանցված 42, 4 աստիճանը կարելի է համարել նոր ռեկորդ, որը դիտվել է ցածրադիր հատվածներում, մասնավորապես՝ Էրեբունում:
Արարատյան դաշտում ջերմաստիճանը տատանվել է 40-41 աստիճանի սահմանում: Ոչ պակաս ռեկորդային՝ 42.6 աստիճան գրանցվել էր անցյալ տարվա հուլիսի 29-ին՝ Արարատյան դաշտում, նման ջերմաստիճան արձանագրվել էր նաեւ 1985 թվականին:
Եղանակի տեսանկյունից այժմ շահեկան վիճակում են լեռնային շրջանները, որտեղ ջերմաստիճանը համամատաբար ցածր է:
Հիդրոմետ ծառայության մասնագետների հավաստմամբ՝ արեւի տակ դրված ջերմաչափը ճշգրիտ ջերմաստիճանը ցույց չի տալիս:
