Այսօր` ժամը 17:20-ին, «911» ծառայությանը տեղեկություն է հաղորդվել, որ Երևան քաղաքի Մյասնիկյան պողոտայում՝ «Ռիցար» հյուրանոցի մոտակայքում, տեղի է ունեցել ՃՏՊ՝ ավտոմեքենան շրջվել է, կա արգելափակված քաղաքացի. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Toyota Hilux» մակնիշի (վարորդը՝ Հ. Հ., ծնված 1968թ.) ավտոմեքենան բախվել է ծառին և շրջվել:
Մինչ փրկարարների կանչի վայր հասնելը՝ ավտոմեքենան ուղղվել է քաղաքացիների ուժերով: Փրկարարները հոսանքանքազրկել են ավտոմեքենան և փակել են գազի բալոնի փականը:
Փրկարարներն ավտոմեքենայից դուրս են բերել Հ. Հ.-ի դին և մոտեցրել դի տեղափոխող ավտոմեքենային:
Source: Yerkir Media
Link: Մյասնիկյան պողոտայում ավտոմեքենան շրջվել է, վարորդը մահացել է
