Նախորդ տարի Հայաստանը ԵՄ-ից ստացել է 27.5 միլիոն եվրո
April 7, 2017
Եվրամիությունը շարունակում է բյուջետային աջակցություն տրամադրել Հայաստանին՝ տարբեր ոլորտներում բարեփոխումների իրականացման համար: Տնտեսական զարգացման եւ ներդրումների փոխնախարար Գարեգին Մելքոնյանի խոսքով՝ անցած տարի Հայաստանը Միությունից ստացել է 27.5 միլիոն եվրո:
Նախորդ տարի եւ այս տարեմուտին Եվրամիության հետ Հայաստանը ստորագրել է 51 միլիոն եվրոյի համագործակցության փաթեթ, որից 50 միլիոն եվրոն բյուջետային աջակցություն է:
Բյուջետային աջակցությամբ նախատեսված գումարներն ամբողջապես փոխանցվում են այդ երկրի պետական բյուջե: Եվրամիությունը գումար տրամադրում է այն դեպքում, եթե այդ երկիրը կատարել է կողմերի միջեւ համաձայնագրով սահմանված պարտավորությունները:
