Շախմատի տղամարդկանց հավաքականը հաղթեց Նիդեռլանդներին. Եվրոպայի առաջնություն

Շախմատի Հայաստանի հավաքականը հաղթեց Նիդեռլանդների թիմին Եվրոպայի առաջնության 4-րդ տուրում:

Շախմատի Եվրոպայի թիմային առաջնության 4-րդ տուրում Հայաստանի թիմը 2,5-1,5 հաշվով հաղթեց Նիդեռլանդներին: Հայաստանի թիմի կազմում հաղթանակներ տոնեցին Գաբրիել Սարգսյանը և Հրանտ Մելքումյանը:  Լևոն Արոնյանը ոչ-ոքի ավարտեց պարտիան, իսկ Սերգեյ Մովսեսյանը պարտվեց:

Խաղային օրերն են հոկտեմբերի 28-ից նոյեմբերի 1-ը և նոյեմբերի 3-6-ը: Նոյեմբերի 2-ը հանգստյան օր է: 1-8-րդ տուրերի մեկնարկը կտրվի Երևանի ժամանակով 17:00-ին, վերջին տուրինը՝ 15:00-ին:

Source: Yerkir Media
Link: Շախմատի տղամարդկանց հավաքականը հաղթեց Նիդեռլանդներին. Եվրոպայի առաջնություն