Չինաստանում կկառուցվեն օդի որակը բարելավող «ուղղահայաց անտառներ»
February 12, 2017
Աշխարհում գնալով ավելի ու ավելի մեծ տարածում են գտնում կանաչապատ շենքերը: Չինաստանի նախկին մայրաքաղաք Նանկինում շուտով վեր կխոյանան 2 կանաչապատ երկնաքերներ: Բացառիկ բնակելի շենքերից մեկի բարձրությունը կհասնի 199 մետրի, մյուսինը` 107:
Տարատեսակ ծառերով ու բույսերով պատված շենքերը, գեղագիտական հաճույք պատճառելուց զատ, կկատարեն նաև բնապահպանական լուրջ գործառույթներ : Կտեղադրվեն շուրջ 600 մեծ և 500 միջին բարձրության ծառ, դրանց կգումարվեն մոտ 2500 մագլցող բույսեր: Այդպես Նանկինում ամեն օրը կբացվի հարստացած թթվածնով:
Ինչպես տեղեկացնում է National Gegraphic-ը , շենքերի նախագծով զբաղվել է իտալացի ճարտարապետ Ստեֆանո Բոերին և նախատեսված է ավարտին հասցնել 2018թվականին:
