Ապրիլյան պատերազմը դեռ թարմ է շատերիս հիշողության մեջ: Գեղանկարիչ Աշոտ Ավագյանը, ով պատերազմական օրերին սահմանում էր՝ զինվորի կողքին, իր անհատական ցուցահանդեսն է բացել «Սարգիս Մուրադյան» պատկերասրահում, որտեղ ներկայացված է 4 գեղանկար, 16 լուսանկար, ապրիլյան պատերազմից հետո բեկորների բաժանված եւ արդեն արվեստի նմուշներ դարձաձ ռազմամթերք ու պաստառներ, որոնց վրա այդ օրերին գրառումներ են կատարել ինչպես զինվորները, այնպես էլ դիրքեր մեկնած կամավորականները:
