Tert.am-ԱՄՆ նախագահ Բարաք Օբաման իր աջակցությունն է հայտնել Հիլարի Քլինթոնին ԱՄՆ-ի նախագահական ընտրություններում:
Ինչպես հայտնում է CNN-ը, Օբաման համապատասխան ելույթով քարոզչական տեսանյութ է ներկայացրել, որը հրապարակել Քլինթոնի ընտրական շտաբը:
«Չեմ կարծում, որ երբևէ եղել է որևէ մեկը, որն այսքան որակավորումներ ունենա տվյալ պաշտոնը զբաղեցնելու համար», — դեմոկրատ թեկնածուի մասին ասել է երկրի ներկայիս ղեկավարը, որ նրա համակուսակիցն է:
Քլինթոնն արդեն արձագանքել է Օբամայի աջակցությանը`գրառում կատարելով թվիթերյան իր էջում. «Շոյված եմ Ձեր աջակցությամբ, ԱՄՆ նախագահ: Ես ոգևորված եմ և պատրաստ եմ առաջ շարժվել»:
Հաղորդվում է, որ այսօր ավելի վաղ Օբաման Սպիտակ տանը հանդիպում է անցկացրել Քլինթոնի մրցակից հանդիսացող Բեռնի Սանդերսի հետ, ով ևս կարող է դառնալ դեմոկրատների նախագահական թեկնածուն:
Source: Yerkir Media
Link: Օբաման նախագահական ընտրություններում կաջակցի Հիլարի Քլինթոնին
