tert.am— Կենտրոն և Նորք- մարաշ վարչական շրջանների ընդհանուր իրավասության դատարանը քիչ առաջ ԼՂՀ պաշտպանության բանակի նախկին հրամանատար Սամվել Բաբայանին 2 ամսով կալանավորելու որոշում է կայացրել։
Այս մասին Tert.am-ի հետ զրույցում ասաց նրա պաշտպան Ավետիս Քալաշյանը: Նա նշեց, որ մանրամասները կներկայացնի վաղը և միայն ավելացրեց, որ Սամվել Բաբայանը չի ընդունում իրեն առաջադրված մեղադրանքը:
«Այն վերին աստիճանի անհիմն մեղադրանք է»-ասաց փաստաբանը:
ԼՂ պաշտպանության բանակի նախկին հրամանատար Սամվել Բաբայանը բերման էր ենթարկվել մարտի 22-ին։
ՀՀ Ազգային անվտանգության ծառայությունը հաղորդագրություն էր տարածել ՝ նշելով, որ դա իրականացվել է Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստի առթիվ հարուցված քրեական գործի շրջանակներում։
