Վեդիում հարգել են Երասխի բարձունքի ազատարարների հիշատակը
May 18, 2017
25 տարի առաջ այս օրն ազատագրվեց Երասխի բարձունքը: Սա Շուշիի ազատագրումից հետո հայկական կողմի ամենակարեւոր հաղթանակներից էր:
Արարատի մարզում այսօր հիշատակի օր էր: Հարգանք ու խոնարհում՝ Երասխի բարձունքի ազատարարներին:
Վեդիի զինվորական պանթեոնում բոլոր շիրմաքարերին թարմ ծաղիկներ են: Հիշողությունն ու պարտքի զգացումը շատերին է այստեղ բերել: Այսօր բոլոր այն տղաների հիշատակի օրն է, որոնք կյանքի գնով ազատագրեցին hայրենիքը, ու նաեւ այն երիտասարդների, որոնք տասնամյակներ անց պիտի նույն փորձությունը հաղթահարեին:
