Վարդենիս-Մարտակերտ ավտոճանապարհը շուտով կհանձնվի շահագործման
August 25, 2017
Արցախի Հանրապետության նախագահ Բակո Սահակյանն այցելել է Մարտակերտի եւ Շահումյանի շրջաններ, ծանոթացել Վարդենիս-Մարտակերտ ճանապարհի շինարարության ավարտական փուլի աշխատանքներին: Շինարարները տեղադրում են ճանապարհային նշանները, ամբողջությամբ գծանշում մայրուղին:
Նախագահ Սահակյանը խորհրդակցության ժամանակ կոնկրետ հանձնարարականներ է տվել՝ ընդգծելով շինարարությունը որակյալ եւ ժամանակին ավարտին հասցնելու անհրաժեշտությունը: Խորհրդակցությանը մասնակցում էին վարչապետ Արայիկ Հարությունյանը, «Հայաստան» համահայկական հիմնադրամի գործադիր տնօրեն Արա Վարդանյանը, պաշտոնատար այլ անձինք:
