Էրդողանի դեմ մահափորձի գործով 34 մեղադրյալ ցմահ ազատազրկման է դատապարտվել
October 5, 2017
Թուրքական դատարանը հրապարակել է Թուրքիայում իրականացված ռազմական հեղաշրջման ձախողված փորձի ժամանակ նախագահ Ռեջեփ Թայիփ Էրդողանի նկատմամբ մահափորձ իրականացրած անձանց վերաբերյալ դատական վճիռը:
Ինչպես հաղորդում է «Արմենպրես»-ը՝ վկայակոչելով թուրքական Diken-ը, կասկածյալներից 31-ը «հանրապետության նախագահի դեմ մահափորձ իրականացնելու», «սահմանադրական կարգը փոխել փորձելու», «ծրագրված սպանություն իրականացնելու» հիմնավորումներով դատապարտվել են ցմահ ազատազրկման:
Հեղաշրջման փորձի ժամանակ Էրդողանի օգնական Ալի Յազըջըն դատապարտվել է 18 տարի ազատազրկման: Կասկածյալներից մեկը՝ նախկին լեյտենանտ Հուսեյն Յըլմազը, անմեղ է ճանաչվել:
Էրդողանի դեմ մահափորձը տեղի էր ունեցել 2016 թվականի հուլիսի 15-ի ռազմական հեղաշրջման փորձի ժամանակ՝ Մարմարիսում գտնվող հյուրանոցներից մեկի վրա հարձակման միջոցով, որտեղ հանգստանում էր Թուրքիայի նախագահը: Կարճատև բախման ժամանակ Էրդողանի անվտանգությունն ապահովող ոստիկաններից 2 սպանվել էին:
