Ռուսաստանի Դաշնության նախագահ Վլադիմիր Պուտինը ընտրություններին ընդառաջ խնդրել է ՌԴ քաղաքացիներին մարտի 18-ին մասնակցել նախագահական ընտրություններին ու օգտագործել երկրի ապագան ընտրելու իրավունքը: Այս մասին տեղեկանում ենք Կրեմլի պաշտոնական կայքէջից։
«Վստահ եմ՝ ձեզնից յուրաքանչյուրը մտածում եւ անհանգստանում է իր հայրենի երկրի ճակատագրի համար։ Այդ պատճառով դիմում եմ ձեզ խնդրանքով՝ կիրակի օրը գնալ ընտրատեղամասեր։ Օգտվեք ձեր իրավունքից՝ ընտրել մեծ եւ բոլորիս կողմից սիրելի Ռուսաստանի ապագան»,- մասնավորապես նշել է նա։
Հիշեցնենք, որ մարտի 18-ին ՌԴ նախագահի ընտրություններ են, որին առաջադրված է 8 թեկնածու:
