Զինվորներին օգնություն ուղարկած ուսուցիչներն ու աշակերտները ցնցված են
June 18, 2018
Այն, որ Արցախյան քառօրյայից հետո ուսուցիչների համեստ միջոցներով հայ զինվորին ուղարկված օգնությունը գողացվել, աշակերտների գրած նամակներն էլ գնացել էին սխալ հասցեով, վրդովվեցրել է ուսուցիչներին, հիասթափեցրել՝ աշակերտներին ու նրանց ծնողներին:
164-րդ հիմնական դպրոցում տարիներ անց էլ պահպանվում են տվյալները, որտեղ գրված է, թե որ արկղում ինչ են փաթեթավորել:
Ուսուցիչներն ու ծնողները կարծում են, որ երեխաների համար ծանր կլինի իմանալ ճշմարտությունը, նույնիսկ մտածում են՝ չասել նրանց: Բայց շատերն արդեն տեղյակ են, ավելին՝ առ այսօր սպասել են զինվորի հետադարձ նամակին:
