Walmart առևտրի կենտրոնում կրակ բացած անձը սպանվել է
June 14, 2016
Tert.am— ԱՄՆ Տեխաս նահանգի Ամարիլլո քաղաքի Walmart առևտրի կենտրոնում կրակ բացած և պատանդ վերցնելու մեջ կասկածվող զինված անձը սպանվել է ոստիկանական գործողությունների ընթացքում:
Ինչպես տեղեկացնում է BBC-ն` քաղաքի ոստիկանությանը վկայակոչելով, պատանդները այժմ անվտանգ են: Ոստիկաններից երկուսը վիրավորվել են:
Լրատվամիջոցների հաղորդմամբ` սուպերմարկետի մոտակա փողոցները փակված են եղել, իսկ շենքը տարհանվել է:
Ինչպես ավելի վաղ հաղորդվում էր` անհայտ զինված անձը կրակ էր բացել խոշորագույն ցանցի կենտրոններից մեկում:
