Հայ նշանավոր պետական, քաղաքական եւ ռազմական գործիչ, Առաջին հանրապետության հիմնադիր Արամ Մանուկյանի հիշատակը հավերժացնող եւ առաջիկայում Երեւանում տեղադրվելիք արձանը քննարկումների ու քննադատությունների է արժանացել: Արձանի հեղինակը Դավիթ Մինասյանը վստահեցնում է, որ սոցցանցերում տարածված էսքիզային տարբերակը մրցութային հանձնաժողովին ներկայացրածը չէ: Բազմաթիվ քննադատություններից հետո արձանի իր մեկնաբանությունը քանդակագործն էլ է ներկայացրել:
