Մեկնարկել է «Արի տուն» ծրագրի 5-րդ փուլը, որը հնարավորություն կտա 190 սփյուռքահայ երիտասարդի ճանաչել Հայաստանը:
Նրանք 9 օր կհյուրընկալվեն հայկական ընտանիքներում, կայցելեն Հայաստանի տեսարժան վայրեր, թանգարաններ, կհանդիպեն պետական, հասարակական, մշակութային գործիչների հետ:
«Արի տուն» երկշաբաթյա ծրագիրն իրականացվում է 8 փուլով: Այս տարի այն կտեւի մինչեւ օգոստոսի 26-ը, ընդլայնվել է նաեւ աշխարհագրությունը՝ ներառում է 17 երկիր՝ այդ թվում Միացյալ Նահանգները, Արգենտինան, Իսպանիան, Իտալիան, Բելգիան, Լեհաստանն ու Ավստրիան: Նախատեսվում է, որ ծրագիրն ընդհանուր թվով կունենա հազար մասնակից:
