Մոգերինի․«Թուրքիան հաստատել է ԵՄ-ի հետ միգրացիոն համաձայնագիրը կատարելու պատրաստակամությունը»
September 3, 2016
ԵՄ անդամ երկրների ԱԳՆ ղեկավարների հետ հանդիպման ժամանակ Թուրքիան հաստատել է ԵՄ-ի հետ միգրացիոն համաձայնագիրը կատարելու պատրաստակամությունը։ Այս մասին, ինչպես հաղորդում է РИА Новости-ին, հայտարարել է եվրոպական դիվանագիտության ղեկավար Ֆեդերիկա Մոգերենին:
«Մենք պայմանավորվել ենք, որ բոլոր համաձայնագրերը կշարունակեն իրագործվել»,- նշել է Մոգերենին:
Վերջինս նշել է նաեւ, որ շարունակվում է աշխատանքը բոլոր համաձայնագրերի շրջանակներում, որոնց ուղղությամբ ԵՄ-ն եւ Թուրքիան սկսել են աշխատել նախորդ ամիսներին․
«Այսօր թուրքական կողմը հաստատել է միգրացիոն հոսքերը կառավարելու համաձայնագիրը կատարելու պատրաստակամությունը: Մեր կողմից կան հստակ պայմաններ, որոնց վրա մենք մշտապես աշխատում ենք: Աշխատանքը երբեք չի դադարել»,- ընդգծել է Ֆեդերիկա Մոգերինին:
