Ադրբեջանի արտաքին գործերի նախարարությունը ոչ բարեկամական քայլ է համարում ՌԴ Գերագույն դատարանի որոշումը, որն անփոփոխ է թողել «Համառուսաստանյան ադրբեջանական կոնգրես» հասարակական կազմակերպության լուծարման մասին որոշումը: Այդ մասին «ԱզերԹաջ» գործակալությանը հայտնել է երկրի ԱԳՆ մամլո քարտուղար Հիմքեթ Գաջիևը:
«Քաղաքական տեսանկյունից այս որոշումը ոչ բարեկամական քայլ է: Այն լուրջ հարված է հասցնում երկու երկրների ռազմավարական գործընկերության զարգացմանը»,- ասել է Գաջիևը:
Նա շեշտել է, որ դժվար է հասկանալ այդ որոշման պատճառը:
«Այն ժամանակ, երբ ՌԴ-ում ադրբեջանական սփյուռքի նկատմամբ անարդար որոշումներ են կայացվում, Ռուսաստանի հայերի միութունը այստեղ աջակցություն է վայելում և շարունակում իր գործունեությունը: Ամեն դեպքում մենք զարմացած ենք և ցավում ենք ընդունված որոշման համար»,- նշել է ԱԳՆ ղեկավարը:
Source: Yerkir Media
Link: Ադրբեջանի ԱԳՆ-ն «նեղված է» Ռուսաստանի «ոչ բարեկամական քայլից»