Թեհրանում մեկնարկել է լողի պատանեկան միջազգային մրցաշարը, որին մասնակցում են Իրանի, Հայաստանի, Թուրքիայի, Սիրիայի, Իրաքի եւ Ադրբեջանի ներկայացուցիչները: Այս մասին հայտնում է ՀԱՕԿ-ը:
Պատանեկան մրցաշարին Հայաստանից մասնակցում են 10 լողորդներ: Մրցումային առաջին օրը 50 մետր բրաս ոճում Էդվարդ Ասատրյանը (11-12 տարեկաններ) դարձել է արծաթե մեդալակիր, իսկ Գրիգոր Գրիգորյան-Մուշեղ Կագանյան-Վահե Խաչատրյան-Ստեփան Աբրահամյան քառյակը նույն տարիքային խմբի 4×50 մետր ազատ ոճի փոխանցալողում նվաճել է հաղթողի կոչումը: Այս քառյակը հավասարը չի ունեցել նաեւ 4×100 մետր փոխանցալողում:
Source: Yerkir Media
Link: Պատանի լողորդները մեդալներ են նվաճել Իրանում
