Գեղարքունիքի մարզի Վանեվան ու Տորֆավան համայնքներում հունիսի 10-ին կայացած համայնքի ղեկավարի ընտրությունների արդյունքներով իրենց պաշտոններում վերընտրվել են գործող գյուղապետներ Նորայր Հարությունյանը եւ Ահարոն Խաչատրյանը:
Նախնական տվյալներով՝ Վանեվանում գրանցված 262 ընտրողից քվեարկությանը մասնակցել են 199 ընտրող, որոնցից 110-ը քվեարկել են գործող համայնքի ղեկավար, անկուսակցական Նորայր Հարությունյանի օգտին: Նրա մրցակից, ԲՀԿ անդամ Էմին Սարգսյանը ստացել է 81 քվե:
Տորֆավանում գրանցված 312 ընտրողներից քվեարկությանը մասնակցել են 122 ընտրողներ, որոնք քվեարկել են Ահարոն Խաչատրյանի օգտին:
Նորայր Հարությունյանը եւ Ահարոն Խաչատրյանը վերոնշյալ համայնքները ղեկավարում են 1991 թվականից:
Source: Yerkir Media
Link: Վանեվանում ու Տորֆավանում վերընտրվել են գործող գյուղապետները